Ontdek Ons Skool

​​​​​​​​​​​Uit Die Hoof Se Kantoor​

Dankie vir u tyd en aandag om meer inligting te bekom oor Laerskool Anton van Wouw. As een van die oudste skole in die oostelike voorstede van Pretoria, spog ons skool met ‘n ryk geskiedenis en ‘n trotse tradisie van besondere hoë akademiese-, kulturele– en sportprestasies.

Van die belangrikste uitgangspunte by ons skool is dat ons ‘n gemeenskapsentrum is, wat goed gebalanseerde leerders aan die samelewing wil lewer deur alle rolspelers soos ouers, kerke, opvoedkundiges, akademici en entrepreneurs, wat moontlik ‘n bydrae kan lewer tot die opvoeding van ons kinders, die geleentheid daartoe te bied. Om hierdie rede is ons bevoorreg om sekerlik een van die gelukkigste leerderkorpse en ‘n betrokke ouergemeenskap te hê.

Ons belangrikste opvoedkundige uitgangspunt is dat ons leerders al die lewensvaardighede hier moet verwerf wat hulle nodig het om te oorleef in ‘n kompeterende Suid-Afrika en ook in die moderne, kleinerwordende wêreld.

Ons wil u uitnooi om ‘n afspraak met ons te maak en u sodoende te vergewis van die kwaliteit opvoeding wat ons u kind kan bied.

Vriendelike groete

Mnr. Chris Henning
Skoolhoof

Wat Sê Die Kenners?

Ouers wil altyd weet op watter manier hulle hul kind kan stimuleer om optimaal te ontwikkel.

Hier is ‘n baie interessante video met die tema: How parenting affects your child’s brain.

Die insiggewende video gee ons goeie stof tot nadenke…

Ekspo 2015

​Laerskool Anton van Wouw neem jaarliks deel aan die Gauteng-Noord Ekspo vir Jong Wetenskaplikes.

Deelname aan die uitdunrondtes is verpligtend vir alle Graad 7-leerders, en opsioneel vir leerders in Graad 4 tot 6. In die siftingsrondtes word leerders geïdentifiseer vir deelname aan die skool se gala-aand vir Jong Wetenskaplikes, met die oog op kwalifisering vir Gauteng-Noord Ekspo vir Jong Wetenskaplikes.

Tydens die Gauteng-Noord Ekspo vir Jong Wetenskaplikes, in die derde termyn, word leerders dan geïdentifiseer vir deelname aan die Nasionale Ekspo vir Jong Wetenskaplikes.

Onlangse suksesse op die Nasionale Ekspo is:

  • Eben Benadé – Verwerf die Moolman-toekenning vir    i​nnoverende denke.
  • Carmen Fair – Sertifikaat van verdienste tydens die Internasionale Wetenskap Ekspo vir Jong Wetenskaplikes.